Derd Elinden Dâde Geldim Kandedir Lokmân'ımız
12 Eylül 2019 tarihinde yayınlanmıştır.
NUTK-İ ŞERÎF
Derd elinden dâde geldim kandedir Lokmân'ımız
Rûz u şeb feryâd kıldım emrede dermânımız
Gül-gülistân-ı melâhatde eder zevk u safâ
Ne verir derdime dermân ne çıkarır cânımız
Böyle bir cânsûz ciğer-dûz tîrine oldum hedef
Ne kadar yandım yakıldım duymadı efgânımız
Dergeh-i tıbhânesinde eyledim yüz bin niyâz
Vermedi gerçi sataşdım katlime fermânımız
Bu ne çarh bu ne çember fitne-güster dil-firîb
Çâr-sû bend eylemişdir âfet-i devrânımız
Ne kadar tâb ü tüvân-dârlık edersem sûd yok
Pek perîşân eyledi ebdân-ı perîşânımız
Lutfiyâ dârü'l-emân dildârı derlerdi ezel
Etmedi dermânımız bir merhamet sultânımız
Alvarlı Efe Hâce Muhammed Lutfî
Kaddesallahu Sırrahu'l-Âlî