Derd-i Aşk İle Dil ü Cân İmtizâc İtmek Gerek
23 Ekim 2024 tarihinde yayınlanmıştır.
NUTK-İ ŞERÎF
Derd-i 'aşk ile dil ü cân imtizâc itmek gerek
İmtizâc itmezse ol derde 'ilâc itmek gerek
'Âlem-i ma'nâda sultân olmak istersen eğer
İbn-i Edhem gibi terk-i taht u tâc itmek gerek
Zulmet-i emmâreden vâr ise dilde ger eser
Nûr-ı Hakk'dan anda îkâd-ı sirâc itmek gerek
Ger dilersen gaybdan câna nüzûl-i mâide
Mi'deyi teng eyleyüp şol nefsi aç itmek gerek
Her seher dîvân-ı Hakk'da hâzır olup Hakkıyâ
Ol ganî Mevlâ'ya 'arz-ı ihtiyâc itmek gerek
İsmâil Hakkı Bursevî
Kaddesallahu Sırrahu'l-Âlî