Derde Düşdüm Ey Şeh-i Âlî-Cenâbım El-Gıyâs
2 Eylül 2024 tarihinde yayınlanmıştır.
İSTİMDÂD
Derde düşdüm ey şeh-i 'âlî-cenâbım el-gıyâs
Zulmet-i hicrâna irdim âfitâbım el-gıyâs
Gaflet ile imtisâl-i emre dikkat itmedim
Az olur nehy-i Hudâ'dan ictinâbım el-gıyâs
Vakt-i icrâ-yı 'ibâdetde tekâsüldür işim
Ma'siyetde cürm ile olur şitâbım el-gıyâs
Sıklet-i bâr-ı girânım tâkatim tâk eyledi
Kahr-ı dehri hadden aşdı iktisâbım el-gıyâs
Lutfuna kalmışdır ancak kâr-ı nâ-çâr-ı garîb
Lutfuna olur ümmîd-i intisâbım el-gıyâs
"Hâsibû" emrinde taksîr itdi nefsim el-meded
Rûz-i mahşerde olur elbet hisâbım el-gıyâs
Ger şefâ'at itmez isen bu Salâhî mücrime
Nâr-ı hicrân-ı cahîm olur 'azâbım el-gıyâs
Abdullâh Salahaddîn Uşşâkî
Kaddesallahu Sırrahu'l-Âlî