Derdim Çokdur Kangı Birin Yanayım
19 Nisan 2023 tarihinde yayınlanmıştır.
NUTK-İ ŞERÎF
Derdim çokdur kangı birin yanayım
Yahşi derdi yamân derdi yâr derdi
Sergüzeştim kimlere arz eyleyim
Zâhir derdi bâtın derdi 'âr derdi
Râhatım yok geceler tâ subha dek
Namâz derdi niyâz derdi zâr derdi
Mâsivâlar birbirin sevk etmede
Nefs derdi şeytân derdi ağyâr derdi
Gönlümüz dâim televvün üzredir
Sâlik derdi sülûk ile ezkâr derdi
Ehl-i sülûk yollarını az diler
Dünyâ derdi ahret derdi kâr derdi
Tarîk ehli râhat olmaz dünyâda
Münkir derdi muhib derdi câr derdi
Geldi bahâr derdi artar 'âşıkın
Bülbül derdi güller derdi hâr derdi
Müselmânlar kangı birin düşünsün
Suâl derdi hesâb derdi nâr derdi
Kabre varınca Hudâ hıfz eylesin
Akreb derdi çıyân derdi mâr derdi
Sûzî derdi benzemez bir kimseye
Îmân derdi erkân derdi bâr derdi
Ahmed Sûzî
Kuddise Sırruh