Derdmendim Mücrimim Dermâna Geldim Yâ Resûl
24 Ocak 2018 tarihinde yayınlanmıştır.
İSTİMDÂD
Derdmendim mücrimim dermâna geldim yâ Resûl
Sâilim muhtâcınım ihsâna geldim yâ Resûl
Ka'be-i vaslın yolunda sa'y edüp düşdüm garîb
Gayrı nem var cânımı kurbâna geldim yâ Resûl
İntisâb-ı zât-i pâkin afv-ı cürme çün sebeb
Âsitân-ı rahmet-i Rahmân'a geldim yâ Resûl
Varlığım zenbin bırakdım kenz-i rahmet bulmağa
Ben mücerred sen şefâ'at-kâna geldim yâ Resûl
Etme Mahvî bendeni red ey şefâ'at menba'ı
Sen gibi ihsânı çok sultâna geldim yâ Resûl
Îsâ Mahvî
Kuddise Sırruh