Dergeh-i Pîr'e Muhabbetle İdelden İntisâb
22 Aralık 2022 tarihinde yayınlanmıştır.
NUTK-İ ŞERÎF
Dergeh-i Pîr'e muhabbetle idelden intisâb
Gülşen-i tevhîde irdim bî-hisâb u bî-'azâb
Gâh âb u gâh bâd ü gâh âteş ü geh türâb
Ben hüveydâyım kamu zerrâtda çün âfitâb
Cezbe-i Rahmân ile kayd- ı izâfâtı kesüp
Bezm-i cem'ü'l-cem'i pervâz eyledim geçdim hicâb
Pâdişahım eyledi milk-i vücûd içre karâr
Çekdi vech-i pâkine ammâ anâsırdan nikâb
İç zülâl-i vahdeti ser-çeşme-i 'uşşâka gel
Zühdü ü takvâ dediğin zâhid hemân 'ayn-ı serâb
Mest-i bî-pervâ ider bir demde ey zâhid seni
Bezm-i 'aşk içre Zekâyî sunsa bir kâse şarâb
Şeyh Zekâyî Efendi
Kuddise Sırruh