Dervîşliğin Vasfını Demeğe İrfân Gerek
25 Ekim 2021 tarihinde yayınlanmıştır.
NUTK-İ ŞERÎF
Dervîşliğin vasfını demeğe 'irfân gerek
Ma'rifet yemişini yemeğe insân gerek
Küfr ü zulmet kapusu kâl ü kıylden açılmaz
Ağır çevgân salmağa 'âlemde merdân gerek
Devlet topun atmayan nefsin burcun yıkamaz
Hû deyüp cân vermeğe 'aşk ile mihmân gerek
Kevn ü mekân çirkini irkindi su arıtmaz
Daluban oynamağa dervîşe 'ummân gerek
Dışın düzen dem-be-dem Hakk'dan nazar bulur mu
Kalbin bâbın açmağa zikr ile devrân gerek
Dört kitâbı okuyan 'ilme muhtâc olur mu
Sırran seyrân etmeğe delîl ü burhân gerek
Aç gözün Ümmî Sinân Dost'u bunda göregör
Dost dîzârın görmeğe ehline fermân gerek
Elmalılı Sinân Ümmî
Kuddise Sırruh