Deryâ-yı Muhabbetden Bir Katre Düşe Dilde
10 Nisan 2023 tarihinde yayınlanmıştır.
NUTK-İ ŞERÎF
Deryâ-yı muhabbetden bir katre düşe dilde
O nûr -i hidâyetden bir zerre ola elde
Bu âb-ı hidâyetden nem ala gönül verdi
Se'âdet-i sermedî bu mey ile bu mülde
Gözler seni o dildâr bilsen nedir ol efkâr
Eyleye seni bîdâr irşâd ede bu çölde
Ey nûr-ı basar kurbân cânım sizedir her ân
Bir bûy-i hidâyet var bu bağda olan gülde
Bu verd-i hidâyet ki sultân-ı reyâhîndir
Sahrâ-yı hakîkatdir bulunmadı her ilde
Lutfî ne şerâfetdir meyhâne-i vahdetde
Lutfî'ye ede ikrâm Hakk tutduğu hak yolda
Alvarlı Efe Hâce Muhammed Lutfî
Kaddesallahu Sırrahu'l-Âlî