Devâsı Var Kamu Derdin Devâ-yı Zenbdir İstiğfâr
6 Kasım 2024 tarihinde yayınlanmıştır.
NUTK-İ ŞERÎF
Devâsı var kamu derdin devâ-yı zenbdir istiğfâr
Devâm eyle ana her gün ki itsin mağfiret Gaffâr
Hadîs mefhûmudur evvelki mısra' hem sahîhdir bil
İder imiş anı yüz kerre her gün dost-ı Hakk tekrâr
Ne devletdir ne ni'metdir bize Mevlâ anı virdi
Bilüp kadrin idelim dâimâ anı hemîn iksâr
Dahi her gün ü her gice salât ile selâmı biz
Şefî'ü'l-müznibîn yâr-ı Hudâ'ya idelim her bâr
Olalım her zamân tevhîde meşgûl sıdk u şevk ile
Tarîk-ı evliyâyı itdi Kuddûsî size izhâr
Ahmed Kuddûsî
Kuddise Sırruh