Devlet-i Dünyâya Mağrûr Olma Gafletden Sakın
16 Mart 2024 tarihinde yayınlanmıştır.
NUTK-İ ŞERÎF
Devlet-i dünyâya mağrûr olma gafletden sakın
'Âkıbet-endîş olup hengâm-ı fırsatdan sakın
Eşk-i mazlûmânesi şem'in yakar pervâneyi
Gâfil olma âb-ı çeşm-i bî-mürüvvetden sakın
Olma a'dânın mücerred niyyetinden ters-nâk
Sen 'adûya etdiğin fi'l-cümle niyyetden sakın
Hem çü kassâr-ı âharın kirpâsına meşgûl olup
Kendin etme rû-siyeh şems-i felâketden sakın
Gül gibi çâk olmasın dersen giribân-ı dilin
Ber-hevâ cem' etdiğin nakd-i rutûbetden sakın
Bak sehâbın girye-i nâgâhına çarh üzre de
Yâr-i nâ-hem-vâr ile dünyâda ülfetden sakın
Hâmenin seyr et Müsellem keşf-i râzın kağıda
Suhf-i 'âlemde tehî-mağz ile sohbetden sakın
Ahmed Müsellem Efendi
Kuddise Sırruh