Devlet Ol Başın ki Şer'ini Edendir Rehnümâ
27 Ekim 2020 tarihinde yayınlanmıştır.
NA'T-I ŞERÎF
Devlet ol başın ki şer'ini edendir rehnümâ
Havf-ı a'dâdan ne gam ana ki sensin pîşüvâ
Ermez ol ten sıhhate derdinle olmazsa marîz
Bulmaz ol baş devleti yolunda olmazsa fedâ
Sidre-i ravzan havâss ervahına dârü's-selâm
Sâha-i türben zünûb emrâzına dârü’ş-şifâ
Ermedi bâğ-ı cemâlin gibi zîbâ gülşene
Ol hevâ ile cihânı seyr eder bâd-ı sabâ
Kendini miskîn ederdin ümmetine nush için
Ağniyâ bilsin diye ya'nî anâyımış gınâ
Der idin "el-fakru fahrî" her dem ey mahbûb-i Hakk
Şâh-ı kevneyn iken olmayup muhibb-i mâsivâ
Deyicek düşmenlerin "yâ leytenî küntü türâb"
Senden umarlar şefâ'at evliyâ vü enbiyâ
Ümmet içre gerçi Şemsî hôr u zârdır cümleden
Lîk hîç kesmez cenâbından ümmîdin ol gedâ
Şemseddîn Sıvâsî
Kuddise Sırruh