Devlet Oldur Dâreyinde Ser-firâz Etsin Seni

12 Haziran 2020 tarihinde yayınlanmıştır.

NUTK-İ ŞERÎF

Devlet oldur dâreyinde ser-firâz etsin seni

Kalb oldur vakt-i seher ehl-i niyâz etsin seni

Dîn oldur ki göstere dîdâr-ı Hakk'ı 'âkıbet

Hem meyân-ı evliyâda imtiyâz etsin seni

Mâl oldur cennât-ı firdevsde sana olsun refîk

Esb oldur râh-ı sırâtda tîz-cevâz etsin seni

Evlâd oldur gülşen-i dilde ola bülbül sana

Dilber oldur rü'yetiyle şevk-bâz etsin seni

Mey oldur meydân-ı hubb-i mâsivâdan kat' ede

Bâde oldur bal-ı vahdetden nüvâz etsin seni

Şerbet oldur ki şerî'at şerh edüpdür 'âleme

Tâbi'-i fermân-ı Hakk ol i'tizâz etsin seni

'İlm ü 'irfândan garaz bir sırr-ı tevhîd zevkidir

Bir ciğer-sûz âh ile bülend-âvâz etsin seni

Zînet oldur hil'at-i ma'nevî giysin rûh-i pâk

Âsitân-ı 'ârifânda zer-şirâz etsin seni

Lutfiyâ dârü'l-emân mahviyyet olmuş ve's-selâm

Tâlib-i nûr-i hüdâ ol nûr-dirâz etsin seni

Alvarlı Efe Hâce Muhammed Lutfî

Kaddesallahu Sırrahu'l-Âlî