Dîde-i Gam-dîdeye Kıl Ayn-ı Lutfunla Nazar
14 Nisan 2022 tarihinde yayınlanmıştır.
.jpg)
NUTK-İ ŞERÎF
Dîde-i gam-dîdeye kıl 'ayn-ı lutfunla nazar
Mahv ola mir'ât-ı dilde nokta-i gamdan keder
Bu vücûd-ı fânîyi irgür bekâ iklîmine
Denile şânına anın "leyse min mevtin hazer"
Levh-i dilden hakk ola resm-i nükûş-i mâsivâ
Lâ-mekân milkini eyle ana fazlınla makarr
Ara yerde ref' oluna kâl u kıyl ü hrf ü savt
Gûş-i câna erişe bî-vâsıta tâ ki haber
Mûsa-veş "ânestü nârâ" nûrunu edem şuhûd
"Rabbi erinî" lem'asından eyle cânı behre-ver
Mahrem ola cism ile cânım harîm-i vaslına
Vâkıf eyle "mâ vesa'anî" sırrına der-bahr ü berr
Bahr-i bî-pâyâna gark et ey Fenâyî katreni
Kalmaya hergiz arada zenb-i fânîden eser
Ehl-i Cennet Mehmed Fenâyî Efendi
Kuddise Sırruh