Dil Bağlama Cihâna Taalluk Hatâ-durur
5 Eylül 2024 tarihinde yayınlanmıştır.
.jpg)
NUTK-İ ŞERÎF
Dil bağlama cihâna ta'alluk hatâ-durur
Âzâdeler kamusu hoş pür-safâ-durur
Ser-sebz ü ser-firâz u ferah-bahş ü ercümend
Azâde servi göre nice hoş-nümâ-durur
Her şâh-ı berge itdi ta'alluk fevâkihe
Beli büküdü bâr ile dâim dü-tâ-durur
Âzâde ol ü mutlak terk it ta'alluku
Varlık ne ise dünyede cevr ü cefâ-durur
Eyle Hayâlî her ne ise şer'e iktidâ
Olmaz ta'alluk şol ki bi-emr-i Hudâ-durur
Ahmed Hayâlî-i Gülşenî
Kuddise Sırruh