Dil Buldu Ol Bulan Envâr-ı Celâli vü Cemâli
25 Temmuz 2021 tarihinde yayınlanmıştır.
NUTK-İ ŞERÎF
Dil buldu ol bulan envâr-ı celâli vü cemâli
Hakk'dan dile her ânda nazardır mütevâlî
Dildir çü nazargâh-ı refî'-i şeh-i hâzır
Nâzırdır o sultân ü budur manzar-ı 'âlî
Ol dilde bulunmaz ruh-i dildârdan özge
Kim nakş-ı cihândna olur ol âyîne hâlî
Dil 'âleminin mihri değil şarkı vü grabı
Yokdur o cihân içre bu eyyâm u leyâli
Dil mülkünü feth eyleyemez akl-ı müvesvis
Ol mülke bu 'âşk oldu hemân hâkim ü vâli
'Âlem ki hatt-ı yâr iledir nüsha-i hikmet
Bu nüshayı dil sâhibidir kârî vü tâlî
Ey Hakkı cihân halkı ne bilsin dil ü cânı
Kim 'âlem-i dildir bu cihândan müte'âlî
Erzurumlu İbrâhim Hakkı
Kuddise Sırruh