Dilâ Âlem-i Hayretde Seni Cânbâz İden Kimdir
18 Ocak 2025 tarihinde yayınlanmıştır.
NUTK-İ ŞERÎF
Dilâ âlem-i hayretde seni cânbâz iden kimdir
O sahrâ-yı se'âdetde seni serbâz iden kimdir
Bu 'âlem devriyâtında okurlar ders-i 'irfânı
Bu dershâne-i hikmetde seni dilbâz iden kimdir
Görenler cân gözüyle bu nukûşâtı bu eşyâyı
Bu nokta-i süveydâda hüner ibrâz iden kimdir
Tecellîhâne-i vahdet gönüldür dergeh-i Mevlâ
O dergâh-ı tecellâya dil-i derbâz iden kimdir
Olan sermest-i ser gerdân ezel bezminde ey Lutfî
Bu dürr -i tevhîde cânâ ezel enbâz iden kimdir
Alvarlı Efen Hâce Muhammed Lutfî
Kaddesallahu Sırrahu'l-Âlî