Dilâ Ferdâ İçün Rencîde-hâtır Olma Gamdan Geç
4 Nisan 2022 tarihinde yayınlanmıştır.
NUTK-İ ŞERÎF
Dilâ ferdâ içün rencîde-hâtır olma gamdan geç
Umûrun Hazret-i Bârî'ye tefvîz et elemden geç
Özünden şekki def' eyle sözünde sâdıku'l-kavl ol
Gözün aç hâb-ı gafletden uyar cânın zulümden geç
Olup fakr-ı gınâ iklîmin sultân-ı zî-şânı
Cülûs et taht-ı genc-i 'uzlete hayl u haşemden geç
Şerâb-ı selsebil ü kevser ü tesnîm ile anda
Keyf etmek dilersen bunda bu gün câm-ı cemden geç
Mut'i' ol emr-i şer'a Fazliyâ Hakk'a sülûk eyle
Küdûretden dil-i gam-gînini pâk eyle gamdan geç
Osman Fazlî Efendi
Kuddise Sırruh