Dilâ İtmek Dilersen Hacc-ı Ekber
13 Ağustos 2023 tarihinde yayınlanmıştır.
NUTK-İ ŞERÎF
Dilâ itmek dilersen hacc-ı ekber
Duhûl it imdi kalbe olma ebter
Bilirsin kim demişler beyt-i Hakk'dır
Giren ana bulur Hakk'ı olur er
Değildir taş u toprakdan binâsı
İdüpdür anı kudret nûru enver
Ene'l-Hakk sırrına irmek dilersen
Tavâf it işbu beyti ol hüner-ver
Odur kim itmeyeler ana secde
Olupdur ey peri iblîs-i bed-hâr
Sana itdim bu ilmin intihâsın
Kabûl eyle gözün aç merd isen ger
Alî'yle eyleyüp ana girenler
Hakîkat buldu Kanber kokdu anber
Değil mi şehr-i ilmin bâbı ol kes
Ki itmişdir ehâdis içre Server
Îmân et sözlerim lutf u kerem kıl
Bu yolda ey peri kesdir meded-ser
O kalbe girmeyince Nakşî âhir
Tecellî itmedi billâhi dilber
Nakşî-i Akkirmânî
Kaddesallahu Sırrahu'l-Âlî