MuzafferOzak.com (Türkçe)

NUTK-İ ŞERÎF

Dilâ vasf-ı makâmât-ı dil eyleyen yine sensin

Tamâm şerh-i kemâlât-ı dil eyleyen yine sensin

Kemâl-i rü'yet-i eşyâ sana mahsûsdur ey dil

Reh-i Hakk'a delâlet-i dil eyleyen yine sensin

Cemî'-i enbiyâya evliyâya zâhir ü bâtın

Vukûf-ı sırr -ı âyât-ı dil eyleyen yine sensin

Huzûr-ı Hazret-i Bârî'de evsâf-ı cemîl sensin

Tamâm neşr -i füyûzât-ı dil eyleyen yine sensin

Zehî 'ayn-i hayâtsın havz-ı Kevser sendedir ey dil

Güzel tezyîn-i cennât-ı dil eyleyen yine sensin

Senindir zevk-ı rûhânî özündür mahzen-i esrâr

İşârât u îzâhât-ı dil eyleyen yine sensin

Derûn-i dildedir cânâ Hudâ'nın 'arş-ı Rahmân'ı

Cemâl-i Hakk'a mir`ât-ı dil eyleyen yine sensin

Zehî bir zevke mâlikdir zemîn ü âsumân dildir

Deverân u harekât-ı dil eyleyen yine sensin

Mahall-i feyz-i Rabbânî makâm-ı sırr -ı Hakkânî

Cezebât u kerâmât-ı dil eyleyen yine sensin

Dilâ bezm-i elestde sen muhâtab müntehab oldun

Yerinde her hurûfât-ı dil eyleyen yine sensin

Nazargâh-ı ilâhîdir tecellîhâne-i mutlak

Bu Lutfî'ye se'âdât-ı dil eyleyen yine sensin

Alvarlı Efe Hâce Muhammed Lutfî

Kaddesallahu Sırrahu'l-Âlî

Dilâ Vasf-ı Makâmât-ı Dil Eyleyen Yine Sensin