Dildâre Gönül Ver Kim Ol Hânesini Gözler
24 Aralık 2020 tarihinde yayınlanmıştır.
NUTK-İ ŞERÎF
Dildâre gönül ver kim ol hânesini gözler
Zülfüne esîr olan dîvânesini gözler
Meclisde perr ü bâlin yok sôfî safâlar sür
Kim şem'-i şebistânın pervânesini gözler
Meyhâne-i 'aşk içre baş vur ayağa sâlik
Ol sâkî-yi cân-perver mestânesini gözler
Gencîne-i sırrını sînende onat sakla
Kim defn eden ol kenzi vîrânesini gözler
Her nâvek-i gamına tut sîneni ey Şemsî
Kim ol şeh-i tîr-endâz nişânesini gözler
Şemseddin Sıvâsî
Kuddise Sırruh