Dildedir Dildâr Dâim Sanma Bir Dem Dûr Olur
2 Eylül 2019 tarihinde yayınlanmıştır.
NUTK-İ ŞERÎF
Dildedir dildâr dâim sanma bir dem dûr olur
Gerçi dil gafletde ondan dembedem mehcûr olur
Hâb-ı gafletden uyansa dil bulur dildârını
Cân olur hâzır huzûr eder gönül mesrûr olur
Cennet-i erbâb-ı dil cânân cemâlin seyreder
Hûr u gılmân olmaz ol cennetde nûr-i nûr olur
İste sen dîdâr-ı dildârı nazar kıl gönlüne
Hazret-i Mûsâ gibi cân 'âşık u dil Tûr olur
Sen kitâbullahsın ey cân sendedir cümle 'ulûm
Her ne var iki cihânda sende hem mestûr olur
Nâsır-ı Mansûr idi derdi "ene'l-hakku'l-mübîn"
Söyleyen Nâsır'dır andan tercümân Mansûr olur
'Ârif oldur kim görür nefsin bilir Hakk'ı hemân
Ol ki nefsin bilmedi bunda hem anda kûr olur
İbrâhîm Hakkı Erzurûmî
Kuddise Sırruh