Dileriz Ey Kerîm Rabb-i Te'âl
27 Mayıs 2022 tarihinde yayınlanmıştır.
MÜNÂCÂT
Dileriz ey Kerîm Rabb-i Te'âl
Bizi eyle cüdâ-yı fırka-yı dâll
Kıl olar birle hem-nişîn ü enîs
Olalar her cihetde hûb-makâl
Etme ol şahs-ı bî-mezâka karîb
Ki olur bed-hisâl u bed-fi'âl
Sad hezâr âferîn ol gâzîye kim
Eyleye nefs ile darb u kitâl
Bilmeziz kim bekâda menzilimiz
Sadr-ı 'âlî midir yâ saff-ı ni'âl
Ana kim ere zerrece feyzin
Hamd u şükründe eylemez ihmâl
Bizi yâ Rabbi andan etme cüdâ
Ki habîbindir ol huceste hisâl
Ver fesâhat lisân-ı Fazlî'ye
Ki ede na't-i zâtını icmâl
Seyyid Osman Fazlî Efendi
Kaddesallahu Sırrahu'l-Âlî