Dilerse Ka`be-i Maksûda Sâlik Ede Seyrânı

12 Ağustos 2019 tarihinde yayınlanmıştır.

NUTK-İ ŞERÎF

Dilerse Ka`be-i maksûda sâlik ede seyrânı

Fenâ ihrâmını giymek gerek eğnine pîşânî

Girüp bâdiye-i şevke gülü tertîb ile bir hârın

Sana kim merhabâ eder ilişdikçe mugaylânı

Bilüp her seng-i hârâsın anın yâkûtuna hamrâ

Gubâr-ı râhı 'aynıma olup kühl-i ısfahânî

Miyânın sedd edüp muhkem hulûs ile ola sâlik

Safâ vü şevk ile tayy eyleye tîz ol beyâbânı

Se'âdet yâr olup tanda ere beytü'l-harâma ger

Anın cân-ı 'azîzi ola o 'ahd kurb-i kurbânı

Şu kim makbûl eder işbu şurûtu ihtiyâr ile

Safâya erişe tanda ola tâvûs-ı cevlânî

Harîm-i maksûda ayak basup dem dem ola tâif

Me'ârif zemzemin içe bulup akdâh-ı dehânî

Yüzün sürürse ger seng-i siyâha zer ola kaddi

Yola sad-gûne himmetden 'atâ etmekde pîrânî

Hilâl lâl-ken tâ ki ola mehtâb-ı 'âlem-tâb

Gönülden Şemsî irşâda olursa tâbi'-i sânî

Fenâ deyrinde bu nakş u rüsûma olmasın meftûn

Dileyen safha-i sırrında yazmak sırr-ı sübhânî

Şemseddin Sıvâsî

Kuddise Sırruh