Dilim Derd ü Elemden Bir Acebdir İftirâk İtmez
10 Eylül 2024 tarihinde yayınlanmıştır.
NUTK-İ ŞERÎF
Dilim derd ü elemden bir 'acebdir iftirâk itmez
Dem olmaz kim derûnum şerh-i ahvâl-i firâk itmez
Yürü 'ilm-i ilâhî dersin öğren bunda zîrâ kim
Sevâd-ı lafz yarın ehl-i resmin yüzün ak itmez
Gerekdir cünbiş-i dil tâ ki sâlik kat'-ı râh ide
Nedendir seyr-i ilallâha kişi 'aşkı burâk itmez
Ta'âmın gam şerâbın eşk-i hasret kıl bu yollarda
Hayıflar ol kese kim zâhir ü bâtın yarak itmez
Kesil Hakkı kıtâr-ı bûddan nâ-bûda hem-râh ol
Hakk'a irmez o kim ehl-i fenâya iltihâk itmez
İsmâil Hakkı Bursevî
Kaddesallahu Sırrahu'l-Âlî