Diyâr-ı Küfrü Gezdim Beldeler Kâşâneler Gördüm
26 Mart 2022 tarihinde yayınlanmıştır.
GAZEL
Diyâr-ı küfrü gezdim beldeler kâşâneler gördüm
Dolaşdım mülk-i İslâm'ı bütün vîrâneler gördüm
Bulundum ben dahi dârüşşifâ-yı Bâbıâlî'de
Felâtun'u beğenmez anda çok dîvâneler gördüm
Cihân nâmındaki bir maktel-i 'âmme yolum düşdü
Hükûmet derler anda bir nice salhâneler gördüm
Huzûr-i kûşe-i meyhâneyi ben görmedim gitdi
Ne meclisler ne sahbâlar ne işrethâneler gördüm
Ziyâ değmez humârı keyfine meyhâne-i dehrin
Bu 'işretgehde ben çok durmadım ammâ neler gördüm
Ziyâ Paşa