Doğalı Eyyâmdan Bir Lahza Görmedim Huzûr
3 Eylül 2024 tarihinde yayınlanmıştır.
NUTK-İ ŞERÎF
Doğalı eyyâmdan bir lahza görmedim huzûr
Mihnet ü derd ile 'ömrüm geçdi bulmadım sürûr
Dostlar yas itmeniz öldüğüme olman hazîn
Kim 'arûsîdir bana kılmak bu dünyâdan mürûr
Gerçi mâtem ider il ölmeğe ben idem ferâh
Kim bekâ dârına irer terk iden dârü'l-gurûr
Mâtem itmen dostlar öldüğüme olman hazîn
Bes-durur cevr ü cefâ çekdim cihânda bî-kusûr
'Önır-i Nûh u mâl-ı Kârûn u Süleymân mülki hem
Çöpe değmez çünki âhir menzilin ola kubûr
Mülk ü mâla 'ömrünü sarf itmegil kim ölicek
Yerde kalır mâl u mülk ü tâk u eyvân u kusûr
Çün gelen geçer Hayâlî yok sübûtu bir şeyin
Bir karâr üzre değil 'âlem ilâ yevmi'n-nüşûr
Ahmed Hayâlî-i Gülşenî
Kaddesallahu Sırrahu'l-Âlî