Dök Sirişk-i Nakdini Gel Râh-ı Hakk'a Eyle Sarf
7 Haziran 2021 tarihinde yayınlanmıştır.
NASÎHAT
Dök sirişk-i nakdini gel râh-ı Hakk'a eyle sarf
Sarf olan bu yolda hergiz olmadı zîrâ telef
Zîynet-i dünyâya bakma yokluğuna gam yeme
'Ârifin yanında birdir dürr ü cevherle hazef
Koyma dilde zerre denlü mâsivânın hubbunu
Böyle girdiler reh-i Hakk'a ezelden çün selef
Sîne döğüp dâğ-ı hasretle demâdem zâr eder
Ayrı düşdüm yâr ilinden rahm edin der nây ü def
Çek elin dünyâ vü ukbâdan Sezâyî gel bugün
Dergeh-i Mevlâ'da sen de bulmak istersen şeref
Hasan Sezâyî
Kuddise Sırruh