Dost Derdin İste ki Dermânıdır Âşıkların
17 Şubat 2021 tarihinde yayınlanmıştır.
NUTK-İ ŞERÎF
Dost derdin iste ki dermânıdır 'âşıkların
Hemme câm-ı 'aşkı koma peymânıdır 'âşıkların
'Âşık ol 'aşk oduna pervâne gibi yanagör
Aşka yanan kişiler pes cânıdır 'âşıkların
Her gece cevlân urur yârin cemâli seyrine
'Arş-ı a'zam dembedem seyrânıdır 'âşıkların
'Âlem-i 'ulvîyi hergiz sevmeye 'âşık olan
Pes anınçün lâ-mekân seyrânıdır 'âşıkların
Hor bakma sen 'azîzim 'aşk ehline zinhâr
Sırr-ı Mevlâ'sıyla pinhânıdır 'âşıkların
Cân u serden geçse 'âşık n'ola ey dil gam değil
Cân ile baş oynamak çün şânıdır 'âşıkların
Her ki bu aşkın şerâbın nûş ider ey Şemseddîn
Sen ana ayık deme mestânıdır 'âşıkların
Akşemseddîn Velî
Kuddise Sırruh