Dost İline İltin Bizi
29 Ocak 2025 tarihinde yayınlanmıştır.
NUTK-İ ŞERÎF
Hakk yolunun tâlibleri cemâlinin sâdıkları
Visâlinin râgıbları Dost iline iltin bizi
Gönderdiler bunda beni inilerim dünü günü
Bulduğuma soram anı Dost iline iltin bizi
Ey enbiyâ ey evliyâ ey etkıyâ ey asfiyâ
Ey dervîş-i ehl-i fenâ Dost iline iltin bizi
Yerler dahi gökler dahi dağlar dahi taşlar dahi
Sular dahi yeller dahi Dost iline iltin bizi
Cennet dahi ni'met dahi hûri dahi gılman dahi
Varlığına olan delîl Dost iline iltin bizi
Ey 'ulemâ-i 'âmilân ey sulehâ-i sâlihân
Ey fukarâ-i kâni'ân Dost iline iltin bizi
Cümle cihan yoldur ana geçmek gerek önden sona
Yollar çıkınca bir yana Dost iline iltin bizi
Üftâde miskîn derdmend Yâ Vâhid ü Ferd ü Ehad
İrişe lutfundan meded redd itme kapundan bizi
Muhyiddîn Üftâde
Kuddise Sırruh