Dü Cihânda Pâdişâhımdır Muhammed Mustafâ
11 Şubat 2024 tarihinde yayınlanmıştır.
NA'T-I ŞERÎF
Dü cihânda pâdişâhımdır Muhammed Mustafâ
Mesned-i püşt ü penâhımdır Muhammed Mustafâ
İtmişem rûz-ı ezelde ol şehe ben iktidâ
Beyt-i dilde kıblegâhımdır Muhammed Mustafâ
Hubb-ı zâtı gün gibi sînemde zuhûr kıldıkda
Burc-ı dilde mihr ü mâhımdır Muhammed Mustafâ
Hüsnüne 'âşık olaldan gayra hiç itmem heves
Âsumân-ı dilde mâhımdır Muhammed Mustafâ
Tâlibi matlûbuna irgürdüğü içün dâimâ
Rehber-i dildeki râhımdır Muhammed Mustafâ
Vech-i pâkin görmek içün 'aşk ile subh u mesâ
Hasret ü derd ile âhımdır Muhammed Mustafâ
Bedrî'ye andan irişen dâimâ lutf u 'atâ
Menba'-ı feyz-i ilâhımdır Muhammed Mustafâ
Mahmûd Bedreddîn Efendi
Kuddise Sırruh