Duâ ve Gülbank - 12 Nisan 1984
28 Kasım 2019 tarihinde yayınlanmıştır.
وَتَرَى الْمَلَائِكَةَ حَافِّينَ مِنْ حَوْلِ الْعَرْشِ يُسَبِّحُونَ بِحَمْدِ رَبِّهِمْ ۖ وَقُضِيَ بَيْنَهُمْ بِالْحَقِّ وَقِيلَ الْحَمْدُ لِلَّهِ رَبِّ الْعَالَمِينَ
Ve teral melaikete hâffîne min havlil 'arşi yüsebbihûne bi hamdi rabbihim ve kudıye beynehüm bil hakkı ve kıylel hamdü lillahi rabbil 'âlemîn.
DUÂ
El-hamdülillahi rabbi'l-'âlemîn
Ve'l-'âkıbetü lil müttakîn
Velâ 'udvâne illâ 'ale'z-zâlimîn
İnnallâhe lâ yudî'u ecra'l-muhsinîn
Ey istediğini istediğine veren ve istediği vakitde almak kudretine mâlik bulunan ulu Allah!
Ey evvellerin evveli, âhirlerin âhiri, mekânların mekânı olan ulu Allah!
Bâb-ı rahmetine geldik, boyun bükdük, kapından bizi boş çevirme yâ Rabbi.
Suçlarımızı affeyle, seyyiâtımızı hasenâta tebdîl eyle, bizleri habîbin Muhammed'e bahş eyle yâ Rabbi.
Meydân-ı âşıkânda ter dökdük, Allah dedik, nefeslerimizi zâyi' etme yâ Rabbi.
Âhir ü âkıbetimizi hayr eyle, son kelâmımızı Kur`ân-ı Mecîd, Kelime-i Tevhîd eyle, îmân ile çene kapamak nasîb ü müyesser eyle, mü'min getirdin, mü'min yaşatdın, mü'min olarak vefât ettirerek nârından âzâd, dâhil-i cennet, mazhar-ı zât eyle.
Matlab-ı a'lâ maksad-ı rânâ olan cemâl-i bâ-kemâl-i ilâhiyyen ile cümlemizi şâdân eyle yâ Rabbi.
Yâ Rab, okunan evrâd u ezkârı ve esnâsında getirmiş olduğumuz ta'zîmat u tekrîmâtımızı ve salavât-ı şerîflerimizi "fe tekabbelehâ rabbuhâ bi kabûlin hasen" sırrına mazhar eyle.
Hâsıl olan ecr ü sevâbı, ol seyyidü'l-kevneyn, resûlü's-sekaleyn, imâmü'l-haremeyn, ceddü's-sıbteyn, resûlen, beşîran, nebiyyen, ebtahiyyen, kureyşiyyen, arabiyyâ ve sirâcen münîra olan rahmeten-lil-âlemîn Efendimiz Hazretlerinin ravza-i 'ıtrnâk-i Muhammediyyelerine tarafımızdan fakîrâne, miskînâne, dervîşâne hediye etmek cür'etinde bulunduk, Rabbim sen îsâl eyleyip rûh-i Seyyidü'l-enâm'ı cümlemizden hoşnûd u râzı, âlem-i dünyâda ziyâreti, âlem-i ma'nâda gül cemâlinin müşahedesi ve iltifâtına, âlem-i âhiretde şefâ'at-i uzmâsına bizleri nâil eyleyüp şâd eyle yâ Rabbi.
Çeşme-i füyûzât-ı Muhammediyye'den cümlemizi sîrâb, nigâh-ı iltifât-ı Ahmediyyenle cümlemizi nârından âzâd, mazhar-ı zât, dâhil-i cennet eyle yâ Rabbi.
Ve sâir enbiyâ-i 'ızâm ve rusul-i fihâm, 'aleyhimüs salavâtü'r-Rahmân ve cemî'-i enbiyâi ve'l-mürselîn ve'l-evliyâi ve's-sâlihîn, hamse-i âl-i abâ, 'aşere-i pür vefâ, ashâb-ı suffa, ashâb-ı bedr, ashâb-ı uhud, ashâb-ı hendek ve şühedâ-i Kerbelâ, ve aşere-i mübeşşere-i pür-safâ, pür-vefâ ve cemî'-i ashâb u ensâr, mihmandâr-ı Resûlillah, el mücâhid-i fî sebîlillah, Hâlid ibni Zeyd Ebâ Eyyûb el-Ensârî, nefe'anallahu bi şefâ'atihî efendimiz hazretlerinin rûh-i pür-futuhlarını haberdâr eyleyüp cümlemize destegîr eyle yâ Rabbi.
Ve cemî'-i ashâb u ensâr, tâbiîn, hayru't-tâbiîn Üveys el-Karanî, Hasenü'l-Basrî, Habîb-i A'cemî, Dâvûd-i Tâî, Ma'rûf-i Kerhî, Süreyr-i Sakatî, Cüneyd-i Bağdâdî, Bazullahi'l-Eşheb Cenâb-ı Abdülkâdir Geylânî, Seyyidinâ Ahmed er-Rıfâî, Ahmed el-Bedevî, İbrâhîm-i Düssûkî, Hasen-i Şâzelî, Sadeddîn-i Cibâvî ve cemî'-i pîrân kaddesallahu esrârahum ve nefe'anallahu bi şefâ'atihim efendilerimizin rûh-i pür-futuhlarını haberdâr eyleyüp, rûhâniyyetlerini cümlemize destegîr eyle yâ Rabbi.
Hâssaten huzûr-i aliyyelerinde halkabend olduğumuz, kutbü'l-ârifîn, gavsü'l-vâsılîn, hâteme'l-müctehidîn, sâkî-i aşk-ı ilâhî, vâris-i Hayder-i Kerrâr, Cenâb-ı Pîr-i Destgîr Sultân Muhammed Nûreddîn Cerrâhî, kaddesallahu sırrahu't-tecelliyâtı fettâhî, Hazretlerinin dahi ervâh-ı tayyibelerini haberdâr eyleyüp, cümlemizden hoşnûd u râzı eyle yâ Rabbi. Huzûr-i aliyyelerinde yapmış olduğumuz kabahatları afv u mağfiret eyle yâ Rabbi.
Derûn-i türbede medfûn bulunan bil-cümle e'izze-i kirâm hazerâtının, bâhusûs mürşidim selefim es-Seyyid eş-Şeyh İbrâhîm Fahreddîn Şevkî el-Halvetî Efendim Hazretlerinin dahi rûh-i pür-futuhlarını haberdâr eyle yâ Rabbi.
Bu hânıkâh-ı aliyyeye uzakdan ve yakından gelen, bu hânıkâh-ı aliyyeye malıyla canıyla hizmet eyleyen bil-cümle ashâb-ı hayrâtın ve geçmiş dervîşlerimizin ve hulefânın ve âşıkanın ve sancakdarânın ve bâciyânın ve ashâb-ı birr ü ihsânın ve meczûbânın dahi rûhlarını haberdâr eyle yâ Rabbi.
Sizlerin ve bizlerin ümmehât ü ceddât akrabâ ü teallukâtımızdan, mine'l-megârib ile'l-meşârik, tahte't-türâb, kâffeten âmme, cemî'-i ehl-i tevhîde garka-i garîk rahmet eyleyüp, şu sofra-yı aşkdan hissedâr eyle yâ Rabbi.
Cümlemizin usrünü yüsre tebdîl eyle yâ Rabbi. Cümlemizi müzâyakadan halâs eyle yâ Rabbi. Cümlemizin âhir ü âkıbetini hayr eyle yâ Rabbi.
Bu çıkacağımız seferde bizlere destegîr ol yâ Rabbi. Gidiş ve gelişimizde her türlü âfât-ı semâviyye ve aradiyyeden, her türlü eşrârın şerrinden bizleri hıfz u emîn eyle yâ Rabbi. Hâfız esmâ-yı şerîfinle tecellî eyleyüp cümlemizi mahfûzen ve sâlimen vatanlarımıza avdet nasîb ü müyesser eyle yâ Rabbi.
Evladlarımızın gönüllerini nûr-i Kur`ân ile münevver eyle yâ Rabbi. Dîn ü devlet, vatan u millet uğrunda çalışanları iki cihânda azîz eyle, hükûmetimizi ilâ yevmi'l-haşru ve'l-karâr adl ile kâim eyle yâ Rabbi. Ordularımız karada ve denizde ve havada mansûr u muzaffer eyle yâ Rabbi. Türk büyüklerinin gönüllerini nûr-i Kur`ân ile münevver, Rûh-i Muhammed ile kendilerini te'yîd eyle yâ Rabbi.
Âmîn diyen dilleri, ihvân u yârânımı iki cihânda, her türlü belâdan hıfz u emîn eyle yâ Rabbi. İhvân u yârânımı çoğalt, cümlesinin müşküllerini hall ü âsân eyle, dünyâ metâını kendilerine çok ver fakat gönüllerinde yok et yâ Rabbi. Kendilerini nâmerde muhtâc olmakdan hıfz u emîn eyle, kendilerinin gönüllerini nûr-i Kur`ân ile şerh eyle. Nazar-ı iltifât-ı Muhaddiyye ile cümlesinin kalbini aşk-ı Muhammed'le muattar eyle yâ Rabbi.
Yapmış olduğumuz duâyı, Şebeke-i Resûlillah'da edilen duâlara ilhâk ile müstecâb eyle yâ Rabbi. Ve salli ve sellim 'alâ seyyidinâ eşrefi ve es'adi nûri cemî'i enbiyâi ve'l-mürselîn ve âlihim ve'l-hamdü lillahi rabbi'l-âlemîn. Kabûl-i niyâz el-Fâtiha.
www.muzafferozak.com
Ey evvellerin evveli, âhirlerin âhiri, mekânların mekânı olan ulu Allah!
Bâb-ı rahmetine geldik, boyun bükdük, kapından bizi boş çevirme yâ Rabbi.
Suçlarımızı affeyle, seyyiâtımızı hasenâta tebdîl eyle, bizleri habîbin Muhammed'e bahş eyle yâ Rabbi.
Meydân-ı âşıkânda ter dökdük, Allah dedik, nefeslerimizi zâyi' etme yâ Rabbi.
Âhir ü âkıbetimizi hayr eyle, son kelâmımızı Kur`ân-ı Mecîd, Kelime-i Tevhîd eyle, îmân ile çene kapamak nasîb ü müyesser eyle, mü'min getirdin, mü'min yaşatdın, mü'min olarak vefât ettirerek nârından âzâd, dâhil-i cennet, mazhar-ı zât eyle.
Matlab-ı a'lâ maksad-ı rânâ olan cemâl-i bâ-kemâl-i ilâhiyyen ile cümlemizi şâdân eyle yâ Rabbi.
Yâ Rab, okunan evrâd u ezkârı ve esnâsında getirmiş olduğumuz ta'zîmat u tekrîmâtımızı ve salavât-ı şerîflerimizi "fe tekabbelehâ rabbuhâ bi kabûlin hasen" sırrına mazhar eyle.
Hâsıl olan ecr ü sevâbı, ol seyyidü'l-kevneyn, resûlü's-sekaleyn, imâmü'l-haremeyn, ceddü's-sıbteyn, resûlen, beşîran, nebiyyen, ebtahiyyen, kureyşiyyen, arabiyyâ ve sirâcen münîra olan rahmeten-lil-âlemîn Efendimiz Hazretlerinin ravza-i 'ıtrnâk-i Muhammediyyelerine tarafımızdan fakîrâne, miskînâne, dervîşâne hediye etmek cür'etinde bulunduk, Rabbim sen îsâl eyleyip rûh-i Seyyidü'l-enâm'ı cümlemizden hoşnûd u râzı, âlem-i dünyâda ziyâreti, âlem-i ma'nâda gül cemâlinin müşahedesi ve iltifâtına, âlem-i âhiretde şefâ'at-i uzmâsına bizleri nâil eyleyüp şâd eyle yâ Rabbi.
Çeşme-i füyûzât-ı Muhammediyye'den cümlemizi sîrâb, nigâh-ı iltifât-ı Ahmediyyenle cümlemizi nârından âzâd, mazhar-ı zât, dâhil-i cennet eyle yâ Rabbi.
Ve sâir enbiyâ-i 'ızâm ve rusul-i fihâm, 'aleyhimüs salavâtü'r-Rahmân ve cemî'-i enbiyâi ve'l-mürselîn ve'l-evliyâi ve's-sâlihîn, hamse-i âl-i abâ, 'aşere-i pür vefâ, ashâb-ı suffa, ashâb-ı bedr, ashâb-ı uhud, ashâb-ı hendek ve şühedâ-i Kerbelâ, ve aşere-i mübeşşere-i pür-safâ, pür-vefâ ve cemî'-i ashâb u ensâr, mihmandâr-ı Resûlillah, el mücâhid-i fî sebîlillah, Hâlid ibni Zeyd Ebâ Eyyûb el-Ensârî, nefe'anallahu bi şefâ'atihî efendimiz hazretlerinin rûh-i pür-futuhlarını haberdâr eyleyüp cümlemize destegîr eyle yâ Rabbi.
Ve cemî'-i ashâb u ensâr, tâbiîn, hayru't-tâbiîn Üveys el-Karanî, Hasenü'l-Basrî, Habîb-i A'cemî, Dâvûd-i Tâî, Ma'rûf-i Kerhî, Süreyr-i Sakatî, Cüneyd-i Bağdâdî, Bazullahi'l-Eşheb Cenâb-ı Abdülkâdir Geylânî, Seyyidinâ Ahmed er-Rıfâî, Ahmed el-Bedevî, İbrâhîm-i Düssûkî, Hasen-i Şâzelî, Sadeddîn-i Cibâvî ve cemî'-i pîrân kaddesallahu esrârahum ve nefe'anallahu bi şefâ'atihim efendilerimizin rûh-i pür-futuhlarını haberdâr eyleyüp, rûhâniyyetlerini cümlemize destegîr eyle yâ Rabbi.
Hâssaten huzûr-i aliyyelerinde halkabend olduğumuz, kutbü'l-ârifîn, gavsü'l-vâsılîn, hâteme'l-müctehidîn, sâkî-i aşk-ı ilâhî, vâris-i Hayder-i Kerrâr, Cenâb-ı Pîr-i Destgîr Sultân Muhammed Nûreddîn Cerrâhî, kaddesallahu sırrahu't-tecelliyâtı fettâhî, Hazretlerinin dahi ervâh-ı tayyibelerini haberdâr eyleyüp, cümlemizden hoşnûd u râzı eyle yâ Rabbi. Huzûr-i aliyyelerinde yapmış olduğumuz kabahatları afv u mağfiret eyle yâ Rabbi.
Derûn-i türbede medfûn bulunan bil-cümle e'izze-i kirâm hazerâtının, bâhusûs mürşidim selefim es-Seyyid eş-Şeyh İbrâhîm Fahreddîn Şevkî el-Halvetî Efendim Hazretlerinin dahi rûh-i pür-futuhlarını haberdâr eyle yâ Rabbi.
Bu hânıkâh-ı aliyyeye uzakdan ve yakından gelen, bu hânıkâh-ı aliyyeye malıyla canıyla hizmet eyleyen bil-cümle ashâb-ı hayrâtın ve geçmiş dervîşlerimizin ve hulefânın ve âşıkanın ve sancakdarânın ve bâciyânın ve ashâb-ı birr ü ihsânın ve meczûbânın dahi rûhlarını haberdâr eyle yâ Rabbi.
Sizlerin ve bizlerin ümmehât ü ceddât akrabâ ü teallukâtımızdan, mine'l-megârib ile'l-meşârik, tahte't-türâb, kâffeten âmme, cemî'-i ehl-i tevhîde garka-i garîk rahmet eyleyüp, şu sofra-yı aşkdan hissedâr eyle yâ Rabbi.
Cümlemizin usrünü yüsre tebdîl eyle yâ Rabbi. Cümlemizi müzâyakadan halâs eyle yâ Rabbi. Cümlemizin âhir ü âkıbetini hayr eyle yâ Rabbi.
Bu çıkacağımız seferde bizlere destegîr ol yâ Rabbi. Gidiş ve gelişimizde her türlü âfât-ı semâviyye ve aradiyyeden, her türlü eşrârın şerrinden bizleri hıfz u emîn eyle yâ Rabbi. Hâfız esmâ-yı şerîfinle tecellî eyleyüp cümlemizi mahfûzen ve sâlimen vatanlarımıza avdet nasîb ü müyesser eyle yâ Rabbi.
Evladlarımızın gönüllerini nûr-i Kur`ân ile münevver eyle yâ Rabbi. Dîn ü devlet, vatan u millet uğrunda çalışanları iki cihânda azîz eyle, hükûmetimizi ilâ yevmi'l-haşru ve'l-karâr adl ile kâim eyle yâ Rabbi. Ordularımız karada ve denizde ve havada mansûr u muzaffer eyle yâ Rabbi. Türk büyüklerinin gönüllerini nûr-i Kur`ân ile münevver, Rûh-i Muhammed ile kendilerini te'yîd eyle yâ Rabbi.
Âmîn diyen dilleri, ihvân u yârânımı iki cihânda, her türlü belâdan hıfz u emîn eyle yâ Rabbi. İhvân u yârânımı çoğalt, cümlesinin müşküllerini hall ü âsân eyle, dünyâ metâını kendilerine çok ver fakat gönüllerinde yok et yâ Rabbi. Kendilerini nâmerde muhtâc olmakdan hıfz u emîn eyle, kendilerinin gönüllerini nûr-i Kur`ân ile şerh eyle. Nazar-ı iltifât-ı Muhaddiyye ile cümlesinin kalbini aşk-ı Muhammed'le muattar eyle yâ Rabbi.
www.muzafferozak.com