Düşelden Mekteb-i Aşka Unutdum Ders-i Fetvâyı
26 Ağustos 2018 tarihinde yayınlanmıştır.
NUTK-İ ŞERÎF
Düşelden mekteb-i 'aşka unutdum ders-i fetvâyı
Girip meyhâne-i derde yanıldım zühd ü takvâyı
Gönül levhinde yazaldan muhabbet nâmesin şeyhim
Görünmez gözüme evrâk u seçmem ak u karayı
Gözüm yâşı gibi gönlüm revândır bî-karâr oldu
Arar maksûdunu bulmaz gezer bîçâre her câyı
Olup fermânına mahkûm esîri oldu dil 'aşkın
Muhabbet kâtibi anda yazaldan hûn-i tuğrâyı
Münezzehken nakâyısdan anın ol vech-i ibkâsı
Nikâbın örtdü ol yüze bu yüzden vasf-ı esmâyı
Gehî yanmakdayım gehî garîk-i çeşm-i giryânım
Duhânım göklere gitdi yaşım yerlerde arayı
Tabîbe dahî şerh etme bu sînen yarasın Şemsî
Çü buldun sûzen-i vaslı döker ancak bu yarayı
Şemseddîn Sıvâsî
Kuddise Sırruh