MuzafferOzak.com (Türkçe)

HİKMET

Ebnâ-yı zamânın talebi nâm u nişândır

Her biri tasavvurda fülân ibn-i fülândır

Güftâra gelüp söyleseler cehl-i mürekkeb

Zu’munca velî her biri bir kutb-ı zamândır

Erbâb-ı hıred zerre kadar mu'tekid olmaz

Ol mürşide kim mu'tekîd-i bî-hıredândır

Taklîd ile seccâde-nişîn olmuş oturmuş

Tahkîkde ammâ har-ı be-güsiste-inândır

Dermiş bana keşf oldu hep esrâr-ı hakîkat

Vallâhi yalandır sözü billâhi yalandır

Kendinden ırâğa düşüp ardınca yorulma

Ol bî-haberin gitdiği yol zann u gümândır

Ey tâlib-i tahkîk eğer var ise 'aklın

Gûş et bu sözü kim haber-i bâ-haberândır

Zinhâr unutup bildiğini düşme inâda

Bir pîre yapış kim eresin sırr-ı me'âda

Bağdadlı Rûhî

Ebnâ-yı Zamânın Talebi Nâm u Nişândır