Ebûbekr ü Ömer Osmân Gel Ey Zâhid Ne Kândır Bil
11 Ağustos 2023 tarihinde yayınlanmıştır.
NUTK-İ ŞERÎF
Ebûbekr ü Ömer Osmân gel ey zâhid ne kândır bil
Ali'yle dört olur bunlar ki cânâ cümle cândır bil
Bunlar bir dürr-i yektâdır bulunmaz değme bahr içre
Sadefler birle zeyn olmuş velî gözden nihândır bil
Tarîk-i ehl-i sünnetdir bunun dördün dahi sevmek
Râfızîdir o kim sevmez bu hod günden ayândır bil
Bunlar bir tâc-ı devletdir cihân-ı bî-vefâ içre
Kimin başında bend olsa zemîn ü âsumândır bil
Dahi halk olmadı zâhid hakîkat yerler ü gökler
Severdim ben anın dördün ki ansız dîde kandır bil
Bu bir bühtân-ı a'zamdır idenler ehl-i 'irfâna
Çıkar ol dîn ü îmândan ki bir ulu ziyândır bil
Benem ol 'âşık-ı şeydâ ki anlardan Hudâ hakkı
Değilem bir nefes yarı o sözler hep yalandır bil
Tenim birdir özüm birdir gözüm birdir sözüm birdir
Kim anlar bir vücûd olmuş dahi bir îmândır bil
Dilersen nazmın isbâtın ki nefsin remzi pesdir pesi
Meğer olmaya iz'ânın bu hod fânî cihândır bil
Muhassal gör nedir Nakşî ki yazdım anı ey zâhid
Benim cânım hakîkatde onlara armağandır bil
Nakşî-i Akkirmânî
Kaddesallahu Sırrahu'l-Âlî