Eğer Dervîş Eğer Sultân Eğer Bende Eğer Âzâd
11 Temmuz 2022 tarihinde yayınlanmıştır.
NA'T-I ŞERÎF
Eğer dervîş eğer sultân eğer bende eğer âzâd
İder rûh-i şerîf-i Seyyid-i Âlem'den istimdâd
Ana ta'zîmen itdi cümle mevcûdâtı halk Allah
Ana tekrîmen oldu 'arş u kürs arz u semâ bünyâd
Anınçün devr iderler âftâb u mâhtâb eflâk
Anınçün seyr ider seyyâreler emre olup münkâd
Anınçün eyledi cümle melekler Âdem'e secde
Anınçün oldu bunca enbiyâ vü mürselîn îcâd
Anın 'aşkı ile buldu şehâdet rütbesin ashâb
Anın zevki ile oldu gürûh-i enbiyâ irşâd
Habîb-i müste'ân oldur şefî'-i ümmetân oldur
Hemîşe kulların Hakk'dan temennâdır ana mu'tâd
Bu 'abd-i bîkes ü bîçâre ya'nî Fazlî-i ednâ
Olur evsâfını nazm eyledikçe hurrem ü dilşâd
Osman Fazlî Efendi
Kuddise Sırruh