MuzafferOzak.com (Türkçe)

NUTK-İ ŞERÎF

Eğerçi herkesin hızlânına tuğyân olur bâ'is

Hurûş-i bahr-ı gufrâna velî 'ısyân olur bâ'is

Sehâb-ı dîdeden eşk-i nedâmetle güher-pâş ol

Bahâr-ı ravza-i âmâle çün bârân olur bâ'is

Geçüp zenb-i vücûdu ir visâl-i bezm-i ıtlâka

Dili kayd-ı firâka hestî-i imkân olur bâ'is

İrişdir kayd-ı hestîyi dilâ ıtlâk-ı nistîye

Fenâ içre bekâya irmeğe 'irfân olur bâ'is

Tutuşdur hestî-i mevhûmu âh-ı cân-güdâz içre

Sivâyı yakmağa çün âteş-i sûzân olur bâ'is

Zuhûr-ı kesret-i emvâca 'ibretle nigâh eyle

Ta'ayyün cilvesine cünbiş-i 'ummân olur bâ'is

Cemâl-i vahdet-i hayret-fezâyı gör merâyâda

Salâhî hayret-i câna ruh-ı cânân olur bâ'is

Abdullah Salahaddîn Uşşâkî

Kadddesallahu Sırrahu'l-Âlî

Eğerçi Herkesin Hızlânına Tuğyân Olur Bâis