Ehl-i Halvet Eyledikçe Vecd İle Feryâd-ı Hû
25 Şubat 2021 tarihinde yayınlanmıştır.
NUTK-İ ŞERÎF
Ehl-i halvet eyledikçe vecd ile feryâd-ı Hû
Hankâh-ı 'âlemi pür eylesin envâr-ı Hû
Vâkıf-ı sırr-ı zamîr olmak dilersen sôfiyâ
Dâimâ eyle semâ'-ı şevk ile mu'tâd-ı Hû
Hây u hûy erbâbına dil-bende ol ez-cân u dil
Pâdişah-ı taht-ı dildir bende-i azâd-ı Hû
Eyleyem dersen hüviyyet 'âlemin geşt ü güzar
Zâd-ı râh olsun tarîkatda sana irşâd-ı Hû
Gel hemen ta'vîz-i himmetle 'azîmet edelim
Feth olur elbet tılsım-ı beste-i mirsâd-ı Hû
İbn-i Neccâr'ın dil-i vîrânesin berbâd eder
El verir bir gün olur kim tîşe-i bünyâd-ı Hû
Neccarzâde Rızâ Efendi
Kuddise Sırru