Ehl-i Vahdetden Suâl İt Sırr-ı Devrân Nidüğün
11 Haziran 2024 tarihinde yayınlanmıştır.
NUTK-İ ŞERÎF
Ehl-i vahdetden suâl it sırr-ı devrân nidüğün
Sırr-ı devri bilmeyen bilmez bu dehrin nidüğün
Devrin itmâm itmeyüp esfelde devr iden garîb
Kande idrâk ider ol lutf ile kahrun nidüğün
Câmi'-i dünyâ vü 'ukbâ Hazret-i Âdem-durur
Âdem ol kim bilesin haşr ile neşrin nidüğün
Eyleyüp kat'-ı berâzih ân-ı dâim olmayan
Bilmedi nutkun dahi hem kutb-ı 'asrın nidüğün
Vahdet-i sırfa irüp 'ayniyyete nâil olan
Gaybiyâ ol bildi ancak sırr-ı devrân nidüğün
Sunullah Gaybî
Kuddise Sırruh