Ehl ü Evlâd Nefs ü Mâl A'dâ İmiş
4 Şubat 2023 tarihinde yayınlanmıştır.
.jpg)
NASÎHAT
Ehl ü evlâd nefs ü mâl a'dâ imiş
Dostu ancak kişinin Mevlâ imiş
Eyle anlardan hazer Hakk'a sığın
Hakk'a ikbâl eylemek evlâ imiş
Çekme zahmet sîm ü zer cem' itmeğe
Mâl-ı dünyânın işi etgâ imiş
Pâdişahlara gerekdir sîm ü zer
Askeri hoş beslemek ahrâ imiş
Hâne ashâbına hem lâzım-durur
Dayfa ikrâm haslet-i ra'nâ imiş
Terk-i dünyâdır 'ibâdâtın başı
Hubb-ı dünyâ hirfet-i tersâ imiş
Cenneti sevmez Hudâ'nın 'âşıkı
Gayrı sevmek pek kabîh gavgâ imiş
Zikre meşgul ol ki 'âşık olasın
'Âşık-ı Hakk 'ârif-i dânâ imiş
'Ârife 'ilm-i hakikat verilir
Bil haîikat rütbesi bâlâ imiş
Mâsivâya verme dil Kuddûsîyâ
Ehl-i 'aşkın çün dili deryâ imiş
Ahmed Kuddûsî
Kuddise Sırruh