Envâr-ı Cemâle Yine Pervâne-i Aşkam
23 Aralık 2021 tarihinde yayınlanmıştır.
NUTK-İ ŞERÎF
Envâr-ı cemâle yine pervâne-i 'aşkam
Humâr-ı visâle dahi mestâne-i 'aşkam
Zâhid beni zencîr-i riyâ bend edebilmez
Ben zülf-i nigâr kaydına dîvâne-i 'aşkam
Bu bahr-i vücûd içre dalup ka'rına el sal
Gör kim bu sadef içre ne dürdâne-i 'aşkam
Tâc oldu başıma belâ taht oldu melâmet
Bu leşker-i gamla yine hâkâne-i 'aşkam
Ta'mîrim içün çekme te'ab eyle ferâgat
Niçün ki "elest"den beri vîrâne-i 'aşkam
Ben hamr-i "sekâhüm" dolusun nûş edeliden
Gel gör ki beni şimdi ne merdâne-i 'aşkam
Aydî gibi kim teşne ise bâde-i 'aşka
Gelsin ki bu gün sâkî-i meyhâne-i 'aşkam
Aydî Baba
Kuddise Sırruh