Esîr-i Nefs-i Emmâre Felâh Bulmaz Felâketden
1 Mayıs 2020 tarihinde yayınlanmıştır.
NUTK-İ ŞERİF
Esîr-i nefs-i emmâre felâh bulmaz felâketden
Hevâ-yı nefs ise âteş olur nâr-ı nedâmetden
Kanâ'at 'iffet ü 'ismet sadâkat mihr-i 'izzetdir
Nihâyet rû-siyah gitdi olan ehl-i şekâvetden
Güneş-veş âşikâr olmuş se'âdet-mend olan efrâd
Şeref ü şân u şevketler gelir bâb-ı se'âdetden
Edeb nûr-i ilâhîden se'âdet tâcıdır başda
Tarîk-ı istikâmetde sebât etmek hidâyetden
Kerem kânı Kerîm Allah bize gönderdi Kur`ân'ı
Şerî'at-i Muhammed men' edüpdür her kabâhatden
Dilersen zîynet ü zîver veresin saltanat câna
Bulunmaz böyle bir devlet şerî'atli sehâvetden
Muhammed Lutfî'nin yâ Rab recâsı zât-ı pâkinden
Amân dûr eyleme bu ümmeti râh-ı selâmetden
Alvarlı Efe Hâce Muhammed Lutfî
Kuddise Sırruh