Etdi Beni Aşkın Bugün Mestâneler Mestânesi
4 Haziran 2018 tarihinde yayınlanmıştır.
NUTK-İ ŞERÎF
Etdi beni aşkın bugün mestâneler mestânesi
Yanıp nûruna oldum ben pervâneler pervânesi
Aşkın harâb etdi beni yakdı kebâb etdi teni
"Küntü kenz"i buldum olup vîrâneler vîrânesi
Leylâ idi meftûn eden Mecnûn'u hem mecnûn eden
Beni aşkullah eyledi dîvâneler dîvânesi
Vuslatına cândır bahâ ben edeyim bin cân fedâ
Cân verene cânân olur cânâneler cânânesi
Her cânibim Hakk söyledi aşka beni gark eyledi
Deryâ-yı aşkında buldum dürdâneler dürdânesi
Zikrinle aşk hâsıl olup deryâsı bî-sâhil olup
Bu katremi mahv eyledi ummâneler ummânesi
Etdi sıfâtın çün zuhûr Sâmî'ye "nûrun 'alâ nûr"
Mebhût ü müstağrak kılıp hayrâneler hayrânesi
Şeyh Abdurrahmân Sâmî Saruhânî
Kaddesallahu Sırrahu'l-Âlî