Evvel Bize Vâcib ü Farz
13 Ocak 2021 tarihinde yayınlanmıştır.
NUTK-İ ŞERÎF
Evvel bize vâcib ü farz
Allah âdın anmak-durur
Anın âdın zikr idelim
Ol kim kamu müştâk-durur
Evvel dahi oldur kadîm
Âhir dahi oldur mukîm
Oldur kerîm oldur rahîm
Oldur kim ol rezzâk-durur
İki cihân yaradan ol
Ay u güneş yürüden ol
İns ü melek dürüden ol
Öyle kim ol Hallâk-durur
Oldur ehad oldur samed
Oldur ezel oldur ebed
Ol bî-hisâb u bî-'aded
Oldur ki şeksiz Hakk-durur
Oldur ki cân verdi tene
Oldur ki ten verdi cana
Oldur ki renk verdi kana
Ol hâkim-i mutlak-durur
Ansız ana kim iriser
Ansız anı kim göriser
Ansız ana kim varısar
Andan yana ol bak-durur
Ayrılmasız bulduk anı
İrilmesiz bildik anı
Önden sona Âşık canı
Anınla müstağrak-durur
Âşık Paşa
Kuddise Sırruh