Ey Akl u İz'ânı Olan Kâmil ü Dânâ
17 Temmuz 2022 tarihinde yayınlanmıştır.
NASÎHAT
Ey 'akl u iz'ânı olan kâmil ü dânâ
Bak hâl-i cihâna değil isen eğer a'mâ
Gördün ki cihândan selefin eyledi rıhlet
Lâyık mı bu resme olasın tâlib-i dünyâ
Teşbîh olunur işbu cihân zıll-i hayâle
Billah 'aceb hâl u 'aceb özge temâşâ
Geldin çü ekâlîm-i 'ademden bu diyâra
Bir niçe gün ârâm u karâr eyledin ammâ
Her yâr çekilmekde 'adem mülküne ihvân
'İbret nazarıyla nazar etmez misin ayâ
Her gün çağırır kişver-i Kur`ân'da münâdî
Kim hâzır ol kurtuluşa çâre yok aslâ
Her gün uralar turreleri kûs-ı rahîlin
Ba'zısı çıkup gitmede ba'zısı müheyyâ
Et 'âkil isen imdi mühimmâtını ihzâr
Bir dahi dönülmez o seferden yine zîrâ
Fazlî kimin îmânı kâmil ise o yolda
Kur`ân'ı refîk eyler ana Rabbü'l-a'lâ
Seyyid Osman Fazlî Efendi
Kaddesallahu Sırrahu'l-Âlî