Ey Beni Ayıblayan Gel Beni Aşkdan Kurtar

25 Kasım 2018 tarihinde yayınlanmıştır.

NUTK-İ ŞERÎF

Ey beni 'ayıblayan gel beni 'aşkdan kurtar

Ger elinden gelmezse söyleme fâsid haber

'Âşıkların ahvâli ma'şûk katında biter

Sözün var ana söyle benim elimde ne var

Dost yüzünden nikâbı her kim giderdi ise

Hicâb kalmadı ana ayruk ne hayr u ne şer

Hiç kimesne kendiden hâlden hâle gelmedi

'Âşıkların cânına ma'şûka urur minkâr

Kim ki 'aşk kadehinden bir zerre içdi ise

Ana ne 'akl u ne us ne esrik ü ne humâr

Tek ben değilem 'âşık ol ma'şûk nazarında

'Aşk yoluna cân fedâ benim gibi sâd-hezâr

'Âşıkların hâlini 'âşık olanlar bilir

'Aşk bir gizli haznedir gizli gerekdir esrâr

Korkaram söylemeğe şerî'at edebinden

Yohsa eydeydim sana dahi ayruksu haber

Kim vere bu dil ile ol ma'şûkadan haber

Meğer ol kimseler kim cân içinde cânı var

Yûnus ölürse ne gam 'aşk içinde kardaşlar

'Aşk yoluna uyağan ma'şûk burcunda doğar

Yûnus Emre

Kuddise Sırruh