Ey Birâder Biz Cihâne Cem'-i Mâle Gelmedik
17 Ağustos 2021 tarihinde yayınlanmıştır.
NUTK-İ ŞERÎF
Ey birâder biz cihâne cem'-i mâle gelmedik
Mâsivânın fitnesine iştigâle gelmedik
Çünki halk etdi Hudâ bizi hemân kulluk içün
Bendelikdir kârımız şirk ü dalâle gelmedik
Müdde'îlerle bizim yokdur cidâl û bahsimiz
Ma'rifet tullâbıyız bahs û cidâle gelmedik
Zikr-i Hakk'dır şuglumuz 'âşıklarız zâkirleriz
Kavlimiz tevhîddir ancak gayrı kâle gelmedik
'Âşık-ı Hakk'a vebâl imiş sivâya iltifat
Kesb-i hâl maksûdumuz kesb-i vebâle gelmedik
Gelmişiz tahsîl-i 'aşk u vecd-i 'irfân etmeğe
Dâr-ı rıhlet cîfesini ictilâle gelmedik
Sîm ü zer cem' eyleyenler Hakk'dan ayrı düşdüler
Bil ki Kuddûsî ki biz bu bed-hisâle gelmedik
Ahmed Kuddûsî
Kuddise Sırruh