Ey Birâder Gel Seninle Edelim Hakk'a Firâr
3 Aralık 2019 tarihinde yayınlanmıştır.
NASÎHAT
Ey birâder gel seninle edelim Hakk'a firâr
Mâsivâyı terk edüben isteyelim vasl-ı yâr
Eyledik biz tecrübe kim yok bu dünyâda vefâ
Nakşına aldanmayalım bulalım bir hoşça kâr
Cennetin hûr u kusûru cümle dostun gayrıdır
'Âşık-ı Mevlâ olan eyler mi gayr ile karâr
Eyleriz çünki meşakkatle terakkî tîz hemîn
Olısar mağfûr meşakkat ile zenb-i bî-şümâr
Sâlike san'at zirâ'at ya ticâret hoş durur
Andadır fehm et sözü işit rızâ-yı Kirdigâr
Kazanup yiyüp yidirmek bil 'ibâdetdir size
Eylemez Hakk 'arifi halvetde meksi ihtiyâr
Hem makâma tîz erer tevhîde çalışan kişi
Der ki Kuddûsî hemân çalışalum leyl ü nehâr
Ahmed Kuddûsî
Kuddise Sırruh