Ey Birâder Nefse Uyup Gâyet Olmuşsun Zelîl
6 Eylül 2021 tarihinde yayınlanmıştır.
NASÎHAT
Ey birâder nefse uyup gâyet olmuşsun zelîl
'Âr ü gayret kanda gitdi Hakk'a doğru tut sebîl
Rızk içün gam çekme sanma kalasın 'uryân ü aç
Cümle mevcûdun Hudâ erzâkına oldu kefîl
Enbiyâ vü evliyâ meyl etmedi dünyâya hîç
Ümmet isen tâbi' ol kim Hakk'a anlardır delîl
Kesret-i emvâle hırs etmek eder Hakk'dan cüdâ
Zâid-i kadr-i kifâyet ger kalîl ü ger kesîr
Bel tasadduk eyle nakd-i 'ömrünü bunda bu gün
Yarın anda rü'yet-i dîdâr ola ecr-i cezîl
Unutup Hakk cânibin kalbin pür olmış gayr ile
İbtilâ-i 'izzet ü câh ile olmuşsun 'alîl
Kalbini hubb-i sivâdan fâriğ u pâk eylegil
Lâyık ola tâ tecellî ere envâr-ı cemîl
Kalb-i mü'min bil ki beytullahdır hıfz et anı
Her ki yıkmak kasd ider erer belâ-yı ashâb-ı fîl
Kıble-i erbâb-i hâcât olmak istersen ahî
Cümle asnâmı izâle et olasın sen de Halîl
Ref' edüp estâr-i gayriyyet hüviyyet hâsıl et
Zâhir ü bâtın ne var keşf ola esrâr-ı celîl
'Ârif-i esrâr-ı Hakk fehm et iki kısm oldular
Biri kell etdi lisânın birisi kıldı tavîl
Ahmed Efendi
Kuddise Sırruh