MuzafferOzak.com (Türkçe)

NUTK-İ ŞERÎF

Ey bu cümle kâinâtın aslını bir cân eden

Âdemi kudretle ol câna sevüp cânân eden

"Alleme'l-esmâ" ile hem tâc‐ı "kerremnâ" ile

'Arş‐ı a!'lâda melekler cem'ine sultân eden

Vech-i âdemle cihân fânûsunu tenvîr edüp

Künh-i zâtına o vechi hüccet ü burhân eden

Evvelin Âdem sonun Hâtem kılup bu 'âlemin

Hâtemi mahmûd-i cennet zübde‐i insân eden

Nokta‐i pergâr‐ı 'âlem Ahmed'in zâtın kılup

Sırrını kutb‐ı hakîkat mazhar‐ı Rahmân eden

Enbiyâ vü evliyâ hep mazhar‐ı envâr‐ı Hakk

Mustafâ'da her şu'ûnun cem' edüp bir şân eden

İsm ü resmi mahv iken bu 'âciz ü bî‐çârenin

Nâmını Mısrî verüp dillerde âd u sân eden

Niyâzî Mısrî

Kuddise Sırruh

Ey Bu Cümle Kâinâtın Aslını Bir Cân Eden