Ey Bülbül-i Gülzâr-ı Ezel Dâneye Düşme
9 Mart 2023 tarihinde yayınlanmıştır.
NASÎHAT
Ey bülbül-i gül-zâr-ı ezel dâneye düşme
Gülşen sanarak bûm ile vîrâneye düşme
Yâd et o bahârın ki esen bâd-ı nesîmi
Her zerreye cân vermede efsâneye düşme
Her mevsim o 'âlemde bahâr orda şitâ yok
Sen berd-i şitâ özleyip elvâneye düşme
Bir öyle bahâr öyle huzûr 'âlemidir bu,
Maddeyle kayıdlanma habis-hâneye düşme
Bir dâneye bin takla atan kargaya bak ki
Dünyâya dalıp zâğ ile bir lâneye düşme
Rabbinle 'ahidleşmiş idin bezm-i ezelde
Peymâne vefâ eyle de peymâneye düşme
Mazharları gör muzhiri bil mülk-i fenâda
Tahkîke çalış zümre-i bî-gâneye düşme
Nâsûta tenezzül idi ma'nâsı "elest""in
Kıldınsa kabûl "leyte"ye "in kâne"ye düşme
Bil zât-ı Hudâ mazharıdır hazret-i insân
Hikmet'leri sez câhil olup râneye düşme
Ârif Hikmet Gökoğlu
Kuddise Sırruh